Vom Wahren zum Richtigen

Früher war alles besser- bei mir ist das noch heute der Fall!

Kontakt

Chroniken des Alltags

Wat seet d'Gesetz an deem Fall ...? mam Affekot Jean-Jacques Schonckert

RTL

Viru kuerzem huet de Fall vun de vermëssten Zwillingen Anna a Yuliia international fir Gespréichsstoff gesuergt. Allebéid waren mat Besuchsrecht ofgeholl ginn, awer net zum ofgemaachen Zäitpunkt zréckbruecht ginn. Dofir interesséiere mer eis haut allgemeng wéi dat mam Besuchsrecht ass. Wien leet dat fest, wéi genee muss ee sech drun halen, a wat kann engem bléien wann een sech net drun hält. Gesäit een d'Kanner eng Zäit guer net méi, kritt een eng Geldstrof oder gëtt et Prisong?

RTL

De leschte Mëttwoch war et endlech souwäit. D'Loyeren kréien e neie legale Kader: D'Chamber huet d'Reform vum Loyersgesetz vun 2006 - dem bail à usage d’habitation – guttgeheescht. Mee wat heescht dat genee? Wat bedeit dat fir d'Locatairen awer och fir Propriétairen am Detail? Wéi huet dat sech elo mat Agencefraisen, Cautioun a Colocatiounen?

RTL

Gesetzer ronderëm allméiglech Feierwaffen hei am Land. Wien dierf eng hunn? Wéi eng Waffe sinn erlaabt? A wéi engem Fall brauch een e Waffeschäin? Wéi gesäit et mam Transport aus oder mam Stockage Doheem? Detailer vum Maître Jean-Jacques Schonckert.

RTL

Gutt zwou Stonnen waren en Donneschdeg sëllege staatlech Sitten wéinst enger Cyberattack net disponibel. Den Haut Commissariat à la Protection Nationale hat déi confirméiert. Mee wéi ass dat am Allgemengen bei Hacking a Cyberkriminalitéit? Et entscheet jo schonn e grousse Schued do, an deemno dierft et sech net ëm e Kavaléiersdelikt handelen?

RTL

Wien ass schonn frou wann een e Rappell vun enger Rechnung kritt? Op déi aner Manéier ass et awer och e Wee een galant un eppes ze erënneren, well et gëtt genuch Verjärungsfristen déi een séier vergësst. Wéi ass dat mam Loyer, der Pai, Scholdschainer, Rechnungen etc?

RTL

Leschten Donneschdeg gouf eng weider Faillite am Bauwiesen bekannt. Et ass net déi éischt fir dëst Joer an t'bleift ze fäerten dass et och net déi lescht ass. 103 Salariéë si betraff, awer net just fir si fänkt eng schwiereg Zäit un, mee do hannendrun hänkt e ganze Rateschwanz. Wat ass mat deenen Entreprisen mat deenen si zesummegeschafft hunn, a wéi ass et mat deenen Familljen a Stéit déi mat hinnen gebaut hunn, gespuert hunn, hier aner Wunneng gekënnegt hunn, Miwwelen bestallt hunn asw. Wat huet een fir Rechter, wat huet een fir Méiglechkeeten u wien kann ee sech adresséieren fir gehollef ze kréien?

RTL

Wann ee reegelméisseg schafft, da freet ee sech och drop wann d'Pai mat Zäit op de Kont kënnt, fir seng Rechnungen déi ufalen ze bezuelen, an de Moment sinn der nees vill am gaangen en A drop ze geheien, op se schonn iwwerwise gouf. Et héiert een awer och ëmmer nees dass et zu Onreegelméissegkeeten koum, sief et wëll d'Entreprise a schlechten Dicher ass, oder de Patron en Exempel statuéiere wëll. Ass dat erlaabt, a wat kann een ënnerhuelen?

RTL

Ugeholl, ech fueren de WE iwwer d'Grenz an eng vun de Fueshéichbuergen wéi Mainz, Düsseldorf oder Köln fir do d'Fuesent ze feieren, a well d'Verbindungen mam Zuch net déi allerbescht sinn well et ëmmer zu Verspéidungen kënnt, huelen ech den Auto. Wann dann och nach Alkohol an d'Spill kënnt, wat ëmmer eng schlecht Kombinatioun ass, kann ech dann de Permis vun der däitscher Police ofgeholl kréien, wann ech ze déif an d'Glas gekuckt hunn?

RTL

Net just am Ausland héiert een ëmmer nees dass eng Schoul, en Akafszenter, e Flughafen oder eng Gare huet misste geraumt ginn well en Onbekannten ugeruff huet an domadder gedréit huet alles an d'Luucht ze jummen. Dat ass kee Kavaléiersdelikt, a mir wëllen haut keen animéieren fir dat auszeprobéieren, well dat kënnt engem deier ze stoen, an de Risk, dass een erwëscht gëtt, ass méi wéi sécher.

RTL

An der Silvesternuecht sinn zwee Kanner an Dänemark entféiert ginn. Täter hunn de Papp néiergeschloen an d'Kanner goufen bei d'Mamm an Däitschland bruecht. Wann een elo weess dass d'Mamm, no der Scheedung, d'Kanner zougesprach kritt hat, d'Kanner awer beim Papp bliwwe waren versteet een déi zwou Säiten, awer dofir kann een d'Kanner net einfach entféieren loossen. Zesummen mam Maître Jean-Jacques Schonckert wëlle mer kucken wéi et allgemeng mat der Gard ass, wéi ee sech drun hale muss a wat een riskéiert wann een dat bei eis am Land net mécht.

RTL

D'Schoulen hei am Land si wéinst dem Wieder e Mëttwoch zoubliwwen, ma wéi gesäit et op de Büroen aus? Bedeit eng Alerte Rouge e Recht op Homeoffice?

RTL

Een deen den Dag vill Mail'en den Dag ze liese kritt, huet emol séier op eppes gedréckt wat e net soll, oder et kann sinn dass der virwëtzeg sidd, an dofir op eppes dréckt, wou geroden ass net drop ze klicken. Wann der dat op ärer eegener Mailadress maacht ass dat äre Béier, mee wéi ass dat op der Aarbecht wann der e Virus afänkt, an dat Konsequenzen fir de ganze Betrib kann hunn. Muss dir do Schuedenersatz bezuelen wann do déi ganz Informatik bemol brooch leit, a keen vun äre Kolleegen méi e Stréch ze schaffe kritt?

RTL

D'Pechbiller 'Keng Reklamme wegl' soll een op den 1. Januar ersetzen. Déi gëllen vum neie Joer un net méi, dofir soll ee sech bemierkbar maachen wann een un all Zort Publicitéit via Boîte interesséiert ass. Déi nei Stickeren hu der bestëmmt schonn gesinn, mee wat bedeit dat genee. Et muss een also quasi de Fanger ausstrecken fir dass een gewuer gëtt wéi eng Artikelen an der Reklamm sinn, wou et e neie Fitness gëtt, een säin Auto ofkaft kritt oder een an de Wellness ka goen.

RTL

Virun enger Woch gouf et en Appell vu 'Femmes en détresse' wéinst haislecher Gewalt an deem et heescht datt et Plaze ginn, wou si gehollef kréien, an et gouf och zréckbehalen dass vill Affer sech ganz spéit mellen. Geséchert Zuelen vu wéi vill Leit mer schwätzen gëtt et keng an d'Donkelziffer kann héich sinn.

RTL

De Gil Ofarim war e gefeierte Star als Sänger a Gewënner vun 'Let's dance', bis zu deem Owend wou hien virun zwee Joer op Instagram eng Geschicht online gesat huet, wou hien behaapt huet, dass hien an engem Hotel zu Leipzig wéinst sengem Davidstäer schlecht behandelt gi wier. De Prozess war elo viru kuerzem, an do huet de Museker um Enn zouginn, dass hien gelunn hätt, an den Hotelmataarbechter falsch beschëllegt hat. De Fall Gil Ofarim vum Star zum Liggner.

RTL

Geriichtsurteeler dierfen KI Systemer nach net huelen, mee a verschiddene Beräicher soll KI och Riichterinnen a Riichter bei hirer Aarbecht ënnerstëtzen an entlaaschten. Genee wéi an der Medezin oder an der Kultur ass och beim Droit déi kënschtlech Intelligenz net komplett ze verdamen. Wou leien d'Chancen, d'Risken an d'Grenzen?

RTL

"Dierf een, bei engem Fräisproch, an engem Mordprozess eng zweete Kéier ugeklot ginn, zB am Fall wann et nei Erkenntnisser gëtt", dat war d'Fro déi an Däitschland virum Bundesverfassungsgeriicht zur Debatt stoung, an d'Riichter hunn decidéiert dass dat net méiglech ass. Wann ee bis eng Kéier fräigesprach gouf, ass ee roueg an huet näischt méi ze fäerten. Awer wéi ass dat bei eis?

RTL

Moies gëtt et net hell an owes fréi däischter, dat ass déi ideal Zäit fir Abriecher. Eng Alarmanlag wierkt zwar keng Wonner, kann awer vill Onéierlecher ofschrecken et bei ärer hënneschter Dier ze versichen. Leschte Méindeg soll den Chet Hanks (33) de Fils vum Tom Hanks en Abriecher erwëscht hunn an hien néiergeschloen hunn, sou dass dee KO war bis d'Police koum. Dierf een dat?

RTL

"nul n'est censé ignorer la loi", dat heescht wien net um Lafenden ass, deen ass selwer Schold. A wann dir elo an der Vakanz waart a net matkritt hutt wat op den 1ten November geännert huet, an dir haalt Iech net un d'Gesetz, da kann et vun elo un nach méi deier ginn, zB wann een wärend dem Autofueren och nach den Handy am Grapp huet.

RTL

Schëlder gëtt et an alle Formen a Faarwen. Vum Dräieck bis bei de Krees, a si all soll een am beschten net iwwersinn. Si maachen eis op eppes opmierksam, an an Däitschland soll et ronn 25.000 Schëlder ginn. Wéi wier et do, wann ee selwer och nach e Schëld viru seng Hausdier opstellt, einfach esou ouni speziell Autorisatioun fir dass d'Automobilisten do méi lues fueren?

RTL

Zanter der Aféierung vum 'Registre des bénéficiaires effectifs' RBE am Joer 2019 sinn och d'asbl'en also 'd'associations sans but lucratifs' dru gehalen sech an de Register anzedroen. An do wiere mer dann bei de Clibb a Veräiner. Virum Summer huet sech do eppes a punkto Gesetz geännert, mee wat? A weess jidder President a Caissier vun engem Timbers- oder Keeleclub Bescheed?

RTL

E Sonnde waren d'Walen. Wéi d'Regierung sech zesummesetzt ass zwar nach net gewosst, awer déi 60 Käpp an der Chamber si bekannt. Mir hunn hei am Land eng Walflicht. Ob express oder verhënnert oder verschweesst? Wat riskéiert ee vu Strof wann een keng Kräizercher gemaach huet oder de Krees net geschwäerzt huet, a ganz einfach net wiele war?